Mange vel å mate småfuglane for å hjelpe dei gjennom vinteren, som kan vere ei vanskeleg og mager tid for våre fugler. Om ein matar fuglar har ein og ei unik moglegheit til å sjå fuglar gjennom vindauget, i varmen av si eiga stove. Om du vil mate fuglane kan du gi dei frø, nøtter og meisebollar som du får kjøpt på butikken. Mange fuglar likar og frukt, brødsmuler av grovt brød og ost. IKKJE gi fuglane avokado eller sjokolade, det er giftig for dei!
Når du ser ut vindauget, kan det vere kjekt å vite noko om fuglane som besøker fuglebrettet. Derfor kan du lære om nokre vanlege fuglar ved foringsplassen. Ved å trykke på dei ulike fuglane på biletet, kan du lære meir om kvar fugleart. Etterpå skal du løyse oppgåver knytt til det du har lært, så følg med!
Nå har du lært noko om våre vanlegste fugler! Du er nå klar til å teste kunnskapen din ved å gjere nokre oppgåver.
Fuglar, som alle dyr, har ulike tilpasningar til miljøet deira, som dei har utvikla gjennom millionar av år. Maten fuglane et, påverkar og korleis dei er utforma. Når du følger med på fuglane på fuglebrettet, kan du sjå at dei har ulike nebb. Dette er fordi at dei et forskjellige ting, og nebba er utforma for å best kunne ete den maten dei et. Om du studerer fuglane nøye, kan du sjå kva favorittmaten deira er.
Fuglar som et mest insekt, slik som rødstrupe og svarttrost, har tynne, spisse nebb, perfekt for på fange insekt. Dei som et plantekost som nøtter og frø, har tjukkare, kraftige nebb, som lett kan knuse skallet på frøa.